Bydd ceiswyr lloches yn cael eu ‘gwasgaru’ i lety mewn Awdurdod Lleol yn y DU ar sail ‘dim dewis’. Bydd y gwasgaru'n digwydd ar ôl i geisiwr lloches gael ei roi mewn ‘Llety Cychwynnol’ am gyfnod byr. Mae llety gwasgaredig yn debygol o fod mewn ardal wahanol i'r llety cychwynnol a ddarperir.
Gall ceiswyr lloches gael eu symud i lety gwasgaredig gwahanol dros amser am amryw resymau.
Gall hyn fod yn gam-drin corfforol, rhywiol neu seicolegol sy'n digwydd mewn perthynas, priodas neu o fewn y cartref. Gall hyn ddigwydd mewn unrhyw ddiwylliant neu gymuned. Mae'r cam-drin hwn yn digwydd i fenywod a dynion. Mae cam-drin domestig yn cael ei gymryd o ddifrif yng Nghymru ond yn aml ni hysbysir yn ei gylch.
Gallwch ddysgu mwy am gam-drin domestig a siarad gyda rhywun a all helpu ar y wefan Byw Heb Ofn.
Mae hwn yn rhoi ffordd i bob un o aelod-wladwriaethau’r Undeb Ewropeaidd benderfynu ble y dylid penderfynu ar gais am loches. Efallai y bydd angen ei ddefnyddio os yw'r ceisiwr lloches wedi croesi sawl gwlad cyn cyrraedd y DU.
Gallai hyn olygu eich bod yn cael eich symud i un o aelod-wladwriaethau eraill yr Undeb Ewropeaidd.
Mae'r Rheoliad hefyd yn ystyried pwysigrwydd undod teuluol. Mae hyn yn golygu y gallai plant sy'n byw mewn aelod-wladwriaethau eraill gael eu haduno â rhieni neu deulu arall sy'n byw yn y DU trwy'r llwybr hwn.
Roedd y cynllun hwn yn ffordd ddiogel a chyfreithiol o sicrhau diogelwch yn y DU ar gyfer nifer fach o blant a oedd yn ceisio lloches ac a oedd yn byw mewn gwersylloedd yn Ewrop.
Mae hon yn ddeddf bwysig i atal pobl rhag cael eu trin yn annheg oherwydd eu cefndir. Rhaid i bob cyngor, Llywodraeth Cymru, yr Heddlu a sefydliadau eraill gefnogi cydraddoldeb i bawb. Rhaid iddynt hybu cysylltiadau da rhwng pobl o wahanol gefndiroedd. Rhaid iddynt hefyd geisio atal gwahaniaethu.
Mae cyrsiau ESOL yn helpu pobl sy'n ceisionoddfa i ddysgu Saesneg. Mae hyn yn eich helpu i fyw'n annibynnol, i gael mynediad at waith neu addysg, ac i gyfathrebu â phobl leol.
Mae'r Confensiwn yn rhan o gyfraith ryngwladol ac mae'n rhoi hawliau i unigolion, y gellir eu cadarnhautrwy lysoedd barn y DU os bydd angen. Gellir dod o hyd i ragor o wybodaeth am yr hawliau sydd yn y Confensiwn yma:
Mae hon yn ffordd i bobl y rhoddwyd statws ffoadur neu ddiogelwch dyngarol iddynt ddod â'u priod neu blant dibynnol i ymuno â nhw yn y DU. Gall teuluoedd gael eu gwahanu'n hawdd gan wrthdaro ac erledigaeth, sy'n achosi straen. Mae Aduniad Teuluol yn cynnig ffordd o gynorthwyo teuluoedd i ddod yn ôl at ei gilydd.
Mae anffurfio organau cenhedlu benywod yn golygu triniaeth lle mae organau cenhedlu benywod yn cael eu torri, eu hanafu neu eu newid yn fwriadol, ond lle nad oes unrhyw reswm meddygol dros wneud hynny. Mae sawl enw ar hyn, gan gynnwys ‘torri’, ‘sunna’, ‘gudniin’, ‘halalays’, ‘tahur’, ‘megrez’, neu ‘khitan’.
Gall hyn niweidio iechyd menywod a merched yn ddifrifol. Gall hefyd achosi problemau hirdymor gyda rhyw, geni plant ac iechyd meddwl.
Mae anffurfio organau cenhedlu benywod yn anghyfreithlon yn y DU. Mae'n drosedd cyflawni gweithred anffurfio organau cenhedlu benywod (gan gynnwys mynd â phlentyn dramor er mwyn i hyn allu digwydd). Mae hefyd yn drosedd helpu unrhyw un sy'n gyflawni gweithred anffurfio organau cenhedlu benywod, neu fethu ag amddiffyn merch yr ydych chi'n gyfrifol amdani. Gall unrhyw un sy'n cyflawni gweithred anffurfio organau cenhedlu benywod dreulio 14 mlynedd yn y carchar. Gall unrhyw un a geir yn euog o fethu ag amddiffyn merch rhag triniaeth anffurfio organau cenhedlu benywod wynebu 7 mlynedd yn y carchar.
Rhaglen addysg y ‘Blynyddoedd cynnar’ a ariennir gan Lywodraeth Cymru ar gyfer plant dan 4 oed.