Os rhoddir statws ffoadur i chi, byddwch yn cael Hawlen Breswylio Fiometrig (BRP). Nid oes rhaid i chi wneud cais ar wahân am Hawlen Breswylio Fiometrig. Mae Hawlen Breswylio Fiometrig yn cynnwys eich enw, dyddiad geni a man geni, eich olion bysedd a llun ac unrhyw amodau ar eich arhosiad yn y DU.
Dylai'r Hawlen Breswylio Fiometrig hefyd gynnwys eich Rhif Yswiriant Gwladol wedi'i argraffu arno i'ch helpu i gael mynediad at swyddi neu fudd-daliadau lles.
Mae'r prosiect hwn yn rhan o Fwrdd Iechyd Prifysgol Caerdydd a'r Fro. Mae'n darparu gofal iechyd i geiswyr lloches, yn enwedig y rhai sy'n byw mewn Llety Cychwynnol. Rôl allweddol a gyflawnir gan CHAP yw sgrinio iechyd pan fydd ceiswyr lloches yn cyrraedd Cymru.
Darparwr llety i geiswyr lloches yng Nghymru a ariennir gan Lywodraeth y DU.
Mae hyn yn helpu unigolion i ddeall a chymharu cymwysterau sy'n bodoli eisoes â safonau cymwysterau Cymraeg.
Mae hyn yn cyfeirio at symud pobl a'u plant o'r DU pan fo Llywodraeth y DU yn tybio bod hyn yn ‘ffafriol i les y cyhoedd’. Efallai y caiff hyn ei argymell hefyd gan lys barn mewn cysylltiad â chollfarn am dramgwydd troseddol.
Diffiniad Llywodraeth y DU o fod yn ddiymgeledd yw bod heb y moddion i ddiwallu anghenion o ran llety neu anghenion byw hanfodol. Mae hyn wedi'i ysgrifennu yn Adran 95 o Ddeddf Mewnfudo a Lloches 1999. Mae hyn hefyd yn cynnwys y rhai sy'n debygol o fynd yn ddiymgeledd o fewn 14 diwrnod.
Gall rhywun fod yn ddiymgeledd ar unrhyw gam yn y broses ceisio noddfa. Efallai y bydd rhai wythnosau heb unrhyw gymorth cyn i gais gael ei brosesu. Wrth ddisgwyl am benderfyniad ynghylch lloches efallai y bydd costau ariannol annisgwyl, fel yr angen am esgidiau ysgol newydd i blant. Pan roddir statws ffoadur, gall gymryd peth amser i drefnu budd-daliadau lles neu ddod o hyd i waith. Os gwrthodir lloches, mae'n debygol mai ychydig iawn o gymorth y byddwch yn gallu cael mynediad ato.
Ewch i’r adran ‘Arian’ ar y wefan am ragor o wybodaeth.
Mae'n bosibl y cewch eich rhoi dan gadwad tra byddwch yn disgwyl am ganiatâd i ddod i mewn neu cyn i chi gael eich allgludo neu eich symud.
Mae'r Gronfa Cymorth Dewisol yn darparu dau fath o grant nad oes angen i chi eu talu'n ôl. Gall y ‘Taliad Cymorth Brys’ dalu am gostau hanfodol mewn argyfwng. Gall hyn gynnwys bwyd, nwy, trydan, dillad neu deithio brys.
Gall y ‘Taliad Cymorth Unigol’ eich helpu chi neu helpu rhywun yr ydych yn gofalu amdanynt i fyw'n annibynnol yn hytrach na gorfod byw mewn cartref gofal neu ysbyty.
Dim ond trwy sefydliad cymorth y gall ceiswyr lloches a cheiswyr lloches a wrthodwyd gael mynediad at y Gronfa. Gallwch ddod o hyd i sefydliad a all helpu yn ein ardal chi trwy’r dudalen Dod o Hyd i Gymorth.
Mae hwn yn fath o statws mewnfudo a roddirgan Lywodraeth y DU. Fel arfer, fe’i rhoddiros yw'r Swyddfa Gartref wedi penderfynu nad ydych yn gymwys i gael ‘statws ffoadur’ neu ‘ddiogelwch dyngarol’ ond bod rhesymau cryf eraill pam y dylech gael caniatâd i aros yn y DU am gyfnod o amser. Efallai y cewch eich rhwystro rhag cael budd-daliadau lles neu efallai y bydd rheolau eraill y mae angen i chi eu dilyn tra byddwch yn y DU.
Gwahaniaethu yw pan gaiff rhywun ei drin yn annheg neu'n wahanol. Gallai hyn fod oherwydd eu hil, eu hoed, eu rhyw, eu cred wleidyddol, eu cyfeiriadedd rhywiol, eu hunaniaeth o ran rhywedd, eu crefydd, dosbarth neu anabledd.