Cynllun ailsefydlu ffoaduriaid a reolir gan Lywodraeth y DU yw hwn. Mae gan bob ardal awdurdod lleol yng Nghymru ffoaduriaid wedi’u hailsefydlu o dan y cynllun hwn.

Mae masnachu pobl yn drosedd difrifol lle caiff unigolyn ei symud o un lle i'r llall yn groes i’w ewyllys at ddibenion camfanteisio. Mae'r rhai y gwrthodwyd lloches iddynt yn fwy tebygol o gael eu masnachu.

Asiantaeth y DU ar gyfer cydnabod a chymharu cymwysterau a sgiliau rhyngwladol yw hon. Os oes angen dogfen swyddogol arnoch i brofi eich sgiliau, efallai y bydd UK NARIC yn gallu helpu.

Rhagor o wybodaeth am UK NARIC ar eu gwefan.

Plant sydd y tu allan i'w gwlad wreiddiol, wedi'u gwahanu oddi wrth eu rhieni ac yn gwneud cais am loches yn y DU.

Asiantaeth Ffoaduriaid y Cenhedloedd Unedig yw hon. Mae'n sefydliad byd-eang sy’n ymroddedig i achub bywydau, amddiffyn hawliau ac adeiladu dyfodol gwell i ffoaduriaid.

Dyma brif daliad nawdd cymdeithasol Llywodraeth y DU (a elwir weithiau yn fudd-daliadau lles). Gall hwn fod ar gael i ffoaduriaid ond nid i geiswyr lloches na cheiswyr lloches a wrthodwyd.

Ceir rhagor o wybodaeth am Gredyd Cynhwysol a sut i wneud cais yma.

Mae Llywodraeth y DU yn gweithredu amrywiaeth o gynlluniau sydd wedi’u bwriadu i gynorthwyo unigolion i ddychwelyd i'w gwlad wreiddiol yn wirfoddol. Gallai hyn fod trwy gynllun Dychwelyd yn Wirfoddol â Chymorth Llywodraeth y DU, trwy drefniant lle mae’r unigolion yn gwneud eu trefniadau teithio eu hunain, neu drwy ofyn i Lywodraeth y DU roi cymorth i wneud trefniadau teithio.

Cynllun ailsefydlu ffoaduriaid a reolir gan Lywodraeth y DU ac sy’n cefnogi plant a’u teuluoedd sy’n byw mewn gwersylloedd ffoaduriaid yn y Dwyrain Canol neu Ogledd Affrica yw hwn.

Cynllun a ariennir gan Lywodraeth Cymru sy'n cefnogi pobl sy'n ceisio noddfa a oedd yn feddygon yn eu gwledydd cartref. Nod y cynllun yw dod o hyd i gyfleoedd cyflogaeth yn y Gwasanaeth Iechyd Gwladol.

Mae budd-daliadau lles yn cael eu galw hefyd yn daliadau nawdd cymdeithasol. Mae'r DU yn gweithredu system nawdd cymdeithasol i helpu'r rhai sy'n ddi-waith, yn anabl neu wedi ymddeol i gael taliadau nawdd cymdeithasol. Rheolir nawdd cymdeithasol gan yr Adran Gwaith a Phensiynau.