Mae rhywun mewn caethwasiaeth os yw’n cael ei orfodi i weithio, os yw ‘wedi’i berchenogi’ neu'n cael ei reoli gan ‘gyflogwr’. Gallant gael eu prynu neu eu gwerthu fel eiddo. Efallai y cyfyngir ar eu rhyddid mewn rhyw ffordd.

Mae caethwasiaeth fodern yn cynnwys ‘llafur dan orfod’, ‘masnachu ar gyfer rhyw’, ‘caethwasanaeth domestig’, ‘llafur plant’, neu fathau eraill o gamfanteisio megis gorfodi i roi organau neu gardota.

Cewch ragor o wybodaeth am gaethwasiaeth fodern yma.

Os bydd eich cais am loches yn cael ei ganiatáu, byddwch yn cael eich cydnabod fel ffoadur. Bydd unrhyw gymorth lloches yr ydych yn ei gael ar hyn o bryd (arian neu lety) yn dod i ben mewn 28 diwrnod. Gelwir y cyfnod hwn o 28 diwrnod yn gyfnod ‘symud ymlaen’.

Mae Llywodraeth Cymru wedi cynhyrchu cynllun i ddisgrifio sut y byddwn yn cefnogi ffoaduriaid a cheiswyr lloches dros y blynyddoedd nesaf. Y cynllun Cenedl Noddfa yw’r enw arno. Mae’r cynllun llawn i’w weld yma.

Byddwn yn:

1. Sicrhau bod ffoaduriaid yn gallu dod o hyd i lety newydd pan ydynt yn gadael llety lloches.
2. Cynorthwyo ceiswyr lloches i gael llety lloches o ansawdd da gan Lywodraeth y DU.
3. Cynorthwyo ffoaduriaid i gael mynediad at gyflogaeth neu sefydlu eu busnes eu hunain. 
4. Helpu pobl sy’n ceisio noddfa i osgoi tlodi.
5. Hyrwyddo Llywodraeth Cymru fel lle i ffoaduriaid weithio.
6. Helpu ffoaduriaid neu geiswyr lloches sydd wedi goroesi cam-drin domestig i gael cymorth.
7. Ceisio atal pobl sy’n ceisio noddfa rhag dod yn ddioddefwyr caethwasiaeth neu fasnachu pobl.
8. Sicrhau bod anghenion iechyd pobl sy’n ceisio noddfa’n cael eu deall a lleihau rhwystrau i ofal iechyd.
9. Helpu plant i gael dechrau iach mewn bywyd.
10. Lleihau’r cyflyrau iechyd meddwl a brofir gan bobl sy’n ceisio noddfa.
11. Hyrwyddo cyfleoedd i gymryd rhan mewn chwaraeon a gweithgarwch corfforol.
12. Helpu ysgolion i gynorthwyo dysgwyr i gael addysg dda, atal bwlio a darparu gwasanaethau cwnsela.
13. Annog mwy o deuluoedd i ddefnyddio cyfleoedd addysg y ‘Cyfnod Sylfaen’, ‘Dechrau’n Deg’ a ‘Teuluoedd yn Gyntaf’.
14. Gwneud yn siŵr eich bod yn cael mynediad at gyfleoedd i ddysgu ieithoedd a datblygu llythrennedd digidol.
15. Cynyddu cyfleoedd i gael mynediad at addysg bellach ac uwch.
16. Cynorthwyo plant sy’n ceisio lloches i gael y cyngor a’r cymorth y mae arnynt eu hangen.
17. Helpu awdurdodau lleol i ofalu am blant sy’n ceisio lloches.
18. Cynorthwyo cymunedau i gyd-dynnu.
19. Gwneud yn siŵr bod pobl sy’n ceisio noddfa yn gallu cael gwybodaeth am eu hawliau a chyngor.
20. Cefnogi cyfleoedd gwirfoddoli.
21. Darparu arweinyddiaeth mewn perthynas ag integreiddio ac ailsefydlu ffoaduriaid a cheiswyr lloches yng Nghymru.
22. Hybu dealltwriaeth am ddiwylliant a threftadaeth Cymru.

Darparu mynediad cyfartal at y Rhyngrwyd ar gyfer pobl sy’n ceisio noddfa yng Nghymru.

Darperir y rhan fwyaf o ofal iechyd yng Nghymru am ddim i bobl sy'n ceisio noddfa. Mae'r Gwasanaeth Iechyd Gwladol (a elwir fel arfer yn GIG) yn darparu llawer o'r gwasanaethau hyn. Caiff y GIG ei ariannu gan drethi.

Ceir rhagor o wybodaeth am y gwasanaethau a ddarperir gan y GIG yma.

Mae'r rhan fwyaf o bobl gyflogedig yn y DU yn talu ‘cyfraniadau Yswiriant Gwladol’. Mae'r cyfraniadau hyn yn mynd tuag at wasanaethau cyhoeddus a nawdd cymdeithasol (budd-daliadau lles). Mae angen Rhif Yswiriant Gwladol arnoch cyn y gallwch ddechrau gwneud cyfraniadau.

Nid yw'r rhan fwyaf o geiswyr lloches a cheiswyr lloches a wrthodwyd yn gymwys i gael Rhif Yswiriant Gwladol gan nad oes gennych yr hawl i weithio.

Cynllun a reolir gan Lywodraeth y DU yw hwn i symud plant ar eu pen eu hunain sy'n ceisio lloches o Dde Lloegr i rannau eraill o'r DU.

Mae Galw Iechyd Cymru yn wefan a rhif ffôn defnyddiol iawn sy'n rhoi cyngor ar ofal iechyd. Gall Galw Iechyd Cymru ddarparu cyfieithwyr ffôn cyfrinachol mewn dros 120 o ieithoedd. Ffoniwch 08454647 ac yn Saesneg nodwch yr iaith rydych am ei defnyddio. Dylech gael eich cysylltu â chyfieithydd a all helpu i gael gwybodaeth feddygol o ansawdd da i chi.

Mae llawer o wybodaeth feddygol ar gael ar wefan Galw Iechyd Cymru.

Swyddfa'r Comisiynydd Gwasanaethau Mewnfudo (OISC) sy’n rheoleiddio cyngor ar fewnfudo yn y DU. Dim ond cyfreithiwr a reoleiddir gan OISC y dylech ei ddefnyddio. Gallwch ddod o hyd i gyfreithwyr a reoleiddir gan OISC yma:

http://home.oisc.gov.uk/adviser_finder/finder.aspx

Mae hyn yn golygu rhywun a gafodd ganiatâd i fyw yn y DU am gyfnod penodol o amser ond sydd wedi aros yma am yn hwy nag a ganiatawyd.

Defnyddiwn y term ‘pobl sy’n ceisio noddfa’ i gyfeirio at ffoaduriaid neu geiswyr lloches o unrhyw gefndir neu statws mewnfudo. Mae ‘pobl sy'n ceisio noddfa’ yn golygu pob ffoadur, ceisiwr lloches neu geisiwr lloches a wrthodwyd.